Ghause Paak Ki Majlis Meiñ Ambiya Aur Awliya Ki Tashreef-aawri

Hazrat Shaykh Abdul Haq Muhaddis Dahelvi Rehmatullah Alaih Ne Farmaya Ke Mahboob E Subhaani Qutbe Yazdaani Rehmatullah Alaih Ki Majlis Mubarak Meiñ Kul Awliyaa E Rehmaan, Ambiya E Kiraam Jismaani Hayaat Ke Sath Aur Arwaah Ke Sath
Aur Jinn O Malaayek Tashreef Farmaa Hote The Aur Huzur Nabi Kareemﷺ Bhi Tarbiyat O Taaid Ke Liye Jalwa Faramaa Hote The. Aur Hazrat Khizar Alaihis Salam To Aksar Awqaat Aapki Majlis Mubarak Meiñ Basar Karte The. Aur Mashaikh E Zamaana Meiñ Se Jis Se Bhi Hazrat Khizar Alaihis Salam Ki Mulaqaat Hoti To Usko Aap Ki Majlis Meiñ Haazir Hone Ki Taakeed Farmaatey. Neez Irshaad Farmaatey Ke Jis Ko Bhi Falaah O Bahbood (Khush-Haali) Ki Khwahish Ho To Us Ke Liye Zaruri Hai Ke Aap Ki Majlis Meiñ Hamesha Haazri Diya Karey.

(بہجتہ الاسرار)