Mahboob E Subhaani Hazrat Isa Alaihis Salam Ki Nazar Meiñ

Mahboob E Subhaani Hazrat Isa Alaihis Salam Ki Nazar Meiñ:

Ek 'Isaayi Jis Ka Naam Sunaan Tha, Us Ne Mahboob E Subhaani Qutbe Yazdaani Shaykh Abdul Qadir Jilani Rehmatullah alaih Ki Majlis Mubarak Meiñ Hazir Huwa Aur Ijtemaa' Meiñ Khade Hokar Kaha Ke Huzur Meiñ Yamen Ka Rehne Wala Huñ, Mere Dil Meiñ Ye Baat Paida Huwi Ke Meiñ Daayra E Islaam Meiñ
Daakhil Ho Jauñ, Is Par Mera Pukhta Iradah Hai Ke Meiñ Yamen Meiñ Sabse Afzal O 'Aala Buzurg Ke Haath Par Islaam Se Musharraf Ho Jauñ. Ye Soch Hi Raha Tha Ke Meiñ So Gaya Aur Khwaab Meiñ Hazrat 'Isaa Alaihis Salam Ki Ziyarat Huwi. Aap Ne Irshaad Farmaya-"Aye Sunaan! Baghdad Chale Jao Aur Shaykh Abdul Qadir Jilani Ke Daste Haq Par Islam Meiñ Daakhil Ho Jao, Kyuñke Wo Is Roo E Zameen Ke Tamam Logoñ Se Afzal O 'Aala Hai.

(بہجتہ الاسرار)

'Aala Hazrat Fazil E Barelvi Rehmatullah Alaih Ne Kya Khoob Farmaya-

Tu Hai Ghaus Ke Har Ghaus Hai Shaida Tera, 
Tu Hai Woh Ghaiss Ke Har Ghaiss Hai Pyasa Tera.