AZHARI MISSION ™

Naujawaane Millat Ke Naam Aapka Islaahi Paighaam:

'Ahde Shabaab Ko Deewangi Se Taa'beer Kiya Gaya Hai. Insaan Is Manzil Mein Aakar Lazzaat O Shahwaat Ki Taraf Zyada Maayel Hojaata Hai Aur Fasq O Fujoor Ka Dildaadah Ban Jaata Hai. Sarkar Ghause Paak RadiAllahu Anhu Naujavaanon Ke Kirdaar O Amal Ki Durustagi Ke Peshe Nazar Bilkhusoos Unko Mukhaatab Karte Huwe Irshaad Farmaate Hain:

"Aye Nawjawaano! Tum Tauba Karo, Kya Tum Allah Ta'la Ko Nahi Dekhte Ki Woh Balaa Se Tumhaari Aazmaayish Karta Hai Taaki Tum Tauba Karlo, Magar Tumhein Samajh Nahi Aati Aur Uske Gunaaho Par Israar Kar Rahe Ho. Is Zamaane Mein Siwaaye Chand Makhsoos Aadmiyon Ke Jiski Bhi Aazmaayish Balaa Se Horahi Hai, Uske Liye Aazmaayish Azaab Hai Na Ki Ne'mat. Gunaaho Ki Saza Hai, Na Ki Darjon Aur Karaamaton Ki Zyaadti."
[Izaa, pg. No. 26]
"Aye Qaum! Tum Baargaahe Khudaawandi Mein Apne Nufoos Ko Pesh Karne Aur Unki Jaanch Padtaal Mein Taakheer Na Karo. Is Baare Mein Apne Nufoos Par Qable Aakhirat Ke Hi Dunya Mein Jaldi Karlo. Irshaade Nabwiﷺ Hai: Allah Apne Nek Bandon Par Jinhon Ne Dunya Mei Parhezgaari Ki Hai, Hisaab Karne Mein Sharmaayega, Hisaab Na Lega.
To Taqwa Ikhteyaar Karo Warna Kal Tere Gale Mein Ruswaai Ki Rassi Hogi. Tu Apne Tasarrufaat Dunyawi Mein Taqwaa Laazim Karo Warna Teri Khwaahishaat Dunya Wa Aakhirat Mein Saraapa Hasratein Reh Jaayengi."
[Irshaadaate Ghause Aazam, pg. No. 252]
Aapki In Muwaa'ez E Hasna Aur Khutbaate Hakeemaana Ka Yeh Asar Huwa Ki Baghdaad Jo Aisho Ishrat Ka Gahwaara, Randi Aur Sarbastah Ka Thikaana Tha, Jahaan Ke Naujawaan Raeeszaade Aur Shurfaa Aadaab O Sharaafat Aur Siyaadat Bhulaa Chuke The, Bohot Jald Raahe Raast Par Aagaye. Unki Mastiyaan Maand Pad Gayein, Hazaaron Afraad Ne Aapke Daste Haq Par Tauba Ki. Sirf Musalmaan Hi Taaeb Nahi Huwe Balki Sad-haa Yahudiyon Aur Isaaiyon Ne Islaam Qubool Kiya. Chunaayencha Maurrikheen Ka Ispar Ittefaaq Hai Ki Baghdaad Ki Ek Badi Aabaadi Ne Hazrate Waala Ke Dast E Paak Par Tauba Ki Aur Bakasrat Yahud O Nasaara Aur Ahle Zimmi Muslamaan Huwe.
[Maakhooz: Akhbaar Ul Akhiyaar, pg. No. 38]

{Transliterated From-Saalnaama Baaghe Firdous Mubarakpur Ka Mujaddideen E Islaam Number}

الصلوة والسلام عليك يا رسول اللهﷺ.


Jazak Allah Khair

****************************************************

Dua For Azhari Mission Team:

Allah Azzwajjal Maahe Ghauss Aur is Mubarak Tareek 11vi Sharif Ke Sadqe O Tufail Hum Sabki Dili Tamam Nek O Jaiz Ki Tamannao Ko Puri Farmaye Shariat Ka Paband Banaye Haq Bolne Haq Samajne Aur Haq par Chalne Ki Taufeeq Ata Farmaye Bilkhusoos Sayyadi Aaqaai Maulai Sarkar Tajush'shariah Radiallahu Ta'ala Anhu Ke Mazaar Pur Anwaar Par Subh O Shaam Rehmato Ki Barish Ka Nuzool Farmaye Aur Aap Radiallahu Ta'ala Anhu Ke Waseele Se Hamare Marhoomeen Bilkhusoos Janab Muhammad Rafiqullah Sahab ,Janab Marhoom Shaikh Amanullah Sahab ,Janab Marhoom Ahmed Sharif Siddique Sahab Wa Tamaam Sunni Sahi Ul Aqeedah Muslimeen Ke Qabr Sharif Ko Jannat Ki Kiyari Me Se Ek Kiyari Banaye Sabhi Ko Jannatul Firdaus Me A'ala Sa A'ala Maqaam Naseeb Farmaye Tamaam Ke Ahle Khaana Ko Aur hum Sabhi Ko Maslak e A'ala Hazrat Radiallahu Ta'ala Anhu Par Sakhti Se Qayam Rahne ki Taufeeq Ata Farmaye Ameen Bijahi Sayyadul Mursaleen Sallallahu Alaihi Wa Sallam

Azhari Mission ™
Gulaam E Raza
Mubash'shir Qadri Razvi