_1)Muzda Bad Aae Aasiyo(n) Shafae Shahe Abrar Hai_
_Tehniyat Aye Mujrimo Zaat E Khuda Gaffar Hai_
_[Muzda Bad:Mubarak Ho;Aasiyo(n):Aye Gunahgaro;
Shafae:Shafa'at Karne Wal;Shahe Abrar:Neyko Ka Badshah;Tehniyat:Mubarak, Khushkhabri;Gaffar:Bakshne Wala]_
*_{SHARAH:Aye Gunahgaro!(Tumahre Liye Quraan O Hadees Se Ek Bahot Badi Khushkhabri Laya Hu)Mubarak Ho Ke(Roze Qayamat Apne Hi Aaqaa O Maula Jo Neyko Ke Sardar Hai Hamari Shafa'at Farmayenge(Aur Ha Ha!Ek Aur Badi AzeemushShaan Khushkhabri Bhi Sunte JaaoKe Jis Khuda Ki Bargah Me Huzoor Alaihissalam Shafa'at Karenge)Wo Zaat E Khuda Bhi Bahot Bakshne Wali Zaat Hai.}_*
```YA RAB TU KAREEMI WA RASOOL TU KAREEM```
```SAD SHUKR KAR HASTAYM MIYAANE DO KAREEM```
_Aye Mere ALLAH Tu Bhi Karam Karne Wala Aur Tera Rasool Bhi Kareem Hai Aur Kareem Ko Koi Gunahgar Qabl Rahem To Chahe Aur Gunahgar WaQabl Rahem Me Ho_
```DO KAREEMO ME GUNAHGARO ME BAN AYI HAI```
_2)Arsh Sa Farshe Zameen Hai Farsh Pa Bari_
_Kya Niraali Tarz Ki Naame Khuda Raftaar Hai_
_[Arsh Sa:Arsh Ki Tarah;Farshe Paa:Pau Ke Niche Wali Zameen;Bari:Buland Wa Bala;Nirali Tarz:Anokha Andaaz Wa Tareeqa;Raftar:Chaal,Rawish]_
*_{SHARAH:Jis Sarzameen Par Huzoor Alaihissalam Kadam Mubarak Rahkte Hai Wo Farsh Ho Kar Bhi Arsh Jaisa Hai Ke ALLAH TA'ALA Uski Kasam Yaad Farmata Hai لا اقسم بهذالبد_*
*_Aur Jab Meraj Ki Raat Huzoor Alaihissalam Ke Kadam Mubarak Arsh Pe Lage To Arsh Ko Buzurgi Mili Aur Woh Aapke Kadmo Ke Niche Farsh Bangaya Aur Fir Uspar Huzoor Alaihissalam Ka Chalna ALLAH ALLAH! Kya Aanokhi Chal Hogi Ke "HAI ARSH E HAQ ZERE PAAYE MUHAMMAD(SALLALLAHU ALAIHI WA SALLAM)"._*
*_Apke Kadam Zameen Par Lage To ALLAH TA'ALA Ne Sari Zameen Ko Masjid Ka Darja De Diya Huzoor Alaihissalam Ne Khud Farmaya-:_*
*_"جعلت لى الارض مسجدا وطهور(Mishkat)"_*
*_"MERE LIYE SAARI ZAMEEN KO MASJID BANA DIYA GAYA"(MISHKAT)_*
_SALLALLAHU ALAIHI WA SALLAM_
_3)Chand Shak Ho Ped Bolein Janwar Sajda Karein_
_BARAKALLAH Marjae Aalam Yahi Sarkar Hai_
_[Shak Ho:Toot Jaye;Ped:Darhkt;BARAKALLAH:ALLAH Apko Barkat De;Marjae Aalam:Saare Jahan Ki Panahgah]_
*_{SHARAH:Aye Logo! Dekho! Hamare Aaqaa Par ALLAH TA'ALA Ka Kitna Karam Hai Ke Apki Ungli Ke Ishaare Se Chand Tukde Ho Ja Raha Hai(Bukhari Wa Muslim,Mishkat;Safa:524).Apke Hukm Se Darahkt Ko Quwwat Goayi Mil Rahi Hai(Maujazat Sayyadul Mursalin,Tirmizi) Janwar Apko Sajdah Karte Hai(Maujazat)._*
*_SUBHAN ALLAH Hamare Aaqaa Sirf Insano Ke Hi Marjae Nhi Hai Balke Marjae Aalam(Tamam Mahklooq Apki Taraf Rujoo Karti Hai Aur Aap Sabki Panah Gah Hai)_*
_Mehboob E Kibriya Ka Dar E Paak Chodkar_
_ALLAH Tak Kis Ki Rasai Ho Kis Tarah_
_Jab Dikhaye Rah Na Seerat Huzoor Ki_
_Bhatke Hue Ki Rehnumayi Ho Kis Tarah_
_(Hadees Shawook)_
_4)Jinko Su'ae Aasmaan Phailake Jaal Thal Bhar Diye_
_Sadqa Un Hato(n) Ka Pyare Humko Bhi Darkar Hai_
_[Su'ae:Taraf;Jaal Thal:Ghaski Tari Me Pani Hi Pani;Darkar:Zaroorat]_
*_{SHARAH:Aye Mere Pyaare Aaqaa!Jin Gore Gore Noorani Aur Ba Barkat Haato Ko Aasman Ki Taraf Barish Ke Liye Dua Karte Hue Phailakar Aapne Madina Taiyyaba Me Pani Hi Pani Kardiya(Yaha Tak Ke Pura Hafta Barish Hoti Rahi Aur Phir Apki Khidmat Me Dobara Arz Kiya Gaya Ke Ya RASOOLALLAH!Phele Hoti Nhi Thi Aur Ab Rukti Nhi Hai.Shayad Kehti Hogi Jisne Hone Ko Kaha Wohi Kahega To Ruku(n) Gi.Fir Aapne Arz Kiya_*
_الهم حوالينا ولا علينا_
*_Aye ALLAH Madine Ke Upar Barish Ruk Jaye Aur Gard Hoti Rahe Jaha Jaha Tak Aapne Apni Mubarak Ungli Se Dayra Banaya Utna Aasman Saaf Ho Gaya Aur Aeteraf Me Hoti Rahi.Is Hadees Ko Imaam Bukhari Ne Taqreeban Satrah Bar Sahih Bukhari Me Naql Farmaya)Aye Pyare Aaqaa!Un Noorani Haato(n) Ka Sadqa Hume Bhi Ataa Ho Yani Hamari Bakshish Ke Liye Ek Bar Utha Dijiye}_*
_SALLALLAHU ALAIHI WA SALLAM_
_5)Lab Zulale Chashmae Kun Me Gundeh Waqte Khamir_
_Murde Zinda Karna Aye Jaa(n) Tumko Kya Dushwar Hai_
_[Zulale:Saaf Suthra Aur Thanda Mitha Paani;Kun:Hoja(Arabi,Amr Ka Zagha Kaan Ya Kun Se);Ghundeh:Gundah Sa(Jaise Aata Ghundna);Khameer:Ghundhi Hui Mitti Ya Aata Wagairah]_
*_{SHARAH:Hamare Aaqaa O Maula Ki Bashariyat Ko Banane Ke Liye Jab ALLAH TA'ALA Ne Apka Khameer Tayyar Farmaya To Chashmaye Kun Ke Saaf Suthre,Nithre Hue Aur Thande Thande Paani Se Aap Sallallahu Alaihi Wa Sallam Ke Labha E Mubarak Ghundeh(Banaye) Gaye.Phir Murde Zinda Karna Apke Liye Kaunsa Mushkil Kaam Hai.Yeh Kaam To Apki Ummat Ke Saikdo Auliya E Kiram Ne Bhi Kar Dikhaya Jaisa Ke Besiyo'n Kitabo Me Gaus E Paak Ke Murdeh Zinda Karne Ka Kar Hai.Huzoor Alaihissalam To Usse Upar Ka Kmal Dikhate Hai Ke Patthar Aur Darahkt Bol Kar Aap Ko Arz Karte Hai ASSALAM O ALAIKA YA RASOOLALLAH!(Riawahtul Tirmizi)_*
_6)Gore Gore Paaun Chamka Do Khuda Ke Waste_
_Noor Ka Tadka Ho Pyare Gor Ki Shab Taar Hai_
_[Tadka:Ujala,Sawera;Gor:Qabr;Shabe Taar:Andehri Raat]_
*_{SHARAH:Aye Mere Pyaare Rasool Sallallahu Alaihi Wa Sallam!Khuda Ke Liye Apne Gore Gore Aur Noorani Kadme Maymanat Meri Andheri Qabr Me Rahk Kar Meri Qabr Ki Sayah Raat Ko Subha Noor Bana Dijiye,Taki Meri Wahshat Door Ho Jaye Aur Apke Noor Se Nakiraan Ke Sawalat Ke Aasanai Ke Sath Jawabat De Saku.}_*
_7)Tere Hi Daman Pe Har Aasi Ki Padti Hai Nazar_
_Ek Jaane Be-Khat'a Par Do Jaha(n) Ka Baar Hai_
_[Aasi:Gunahgar;Be-Kaht'a:Masoom;Baar:Bhojh]_
*_{SHARAH:Aye Mere Lajpaal Aaqaa!Har Gunahgar Ki Nigaah Aphi Ke Daman-e-Rehmat Pe Lagi Hui Hai Agarche Ummat Beshumar Aur Apki Ek Masoom Jaan Hai Lekin ALLAH Ne Apko Aysi Pakeezah Jaan Ata Farmayi Ke Sari Ummat Ke Gunaaho Ka Bhojh Uthane Ke Liye Apki Akeli Jaan Hi Kaafi Hai}_*
```DAR E JAAMI MILE NAAT KHALID LIKHU```
```AUR ANDAAZ E AHMED RAZA CHAHIYE```
_8)Joshe Toofan Bahre Be Paya Hawa Na-Sazgar_
_Nooh Ke Maula Karam Karde To Beda Paar Hai_
*_{SHARAH:Aye Mere Pyaare Aqaa!Toofan Zoro Par Hai(Gunaaho Ka)Samandar Aisa Hai Ke Iska Kinara Nazar Nhi Araha Hai Jab Hawa Bhi Mukhalif Simt Pe Chal Rahi Hai Aye Pyare Aqaa!Nooh Alaihissalam Ne To Apne Bede Pe Apne Manne Walo Ko Baithakar Toofan Se Bacha Liya Tha Aaur Aap To Nooh Alaihissalam Ke Bhi Aqaa Hai Apke Liye To Koi Mushkil Kaam Nhi Ke Apni Sari Ummat Ko Shafa'at Ke Bede Par Baitha Kar Use Saamndar Se Paar Le Jaye}_*
*_صلى الله عليه وآله وبارك وسلمﷺ_*
_9)Rehmatul'lil Alamin Teri Duhai Dab Gaya_
_Ab To Maula Ho Karam Sar Par Gunaah Ka Baar Hai_
_[Rehmatul'lil Aalamin:Tamam Jahano(n) Par Rahem Karne Wale;Duhai:Faryade;Dab Gaya:Bhoj Tale Agaya;Be Tarah:Be Tahasha;Na Qabile Bardasht]_
*_{SHARAH:Aye Mere Rehmatul'lil Aalamin Aaqaa!Me Gunaaho Ke Bhoj Tale Dab Gaya Hu Aur Bahot Buri Tarah Gunaho Ke Jaal Me Fas Gaya Hu,Bas Aap Hi Ki Duhai Hai,Apke Ek Ishaara Baro Se Gunaaho Ka Bhoj Utaar Sakta Hai}_*
```LE CHALO AB TO MADINE KE CHAAR GARO```
```MUJKO TAIBA KI THANDI HAWA CHAHIYE```
_10)Hairaten Hai Aaiynah Dare Wa Fure Wasf E Gul_
_Unke Bul Bul Ki Khamoshi Bhi Labe Izhar Hai_
_[Hairaten:Hairaniya(n);Aaiynah Dare:Sheesha Dehkne Wale;Wafur:Wafar Se Hai Bamani Bahot Zyadah;Wasf E Gul:Phoolo Ki Khoobi;Labe Izhar:Zahir Karne Wala Hont,Bolna]_
*_{SHARAH:Mere Aaqaa Me Us Qadr La Tadad Khoobiyan Aur Kamalat Hai Ke Zuban Se Bolkar To Un Khoobiyon Ko Bayan Karna Na Mumkinat Me Se Hai Hairaniyo Ne Aaiynah Samne Rahk Kar Gaur Karna Shuru Kiya To Khamoshi Ki Zuban Se Un Kamalat Ko Bayan Karne Me Hi Asaani Samji Kyunke Jaise Ek Lamhe Ke Khawab Me Barso Ke Kaam Ho Jate Hai Usi Tarah Khamoshi Ke Zubaan Se Bhi Wo Kuch Bayan Ho Jata Hai Ke Zubaan Se Jiska Bayan Karna Mushkil Hota Hai.}_* _Maulana Hassan Raza Khan Alaihirrehma Ne Usi Mauke Par Kaha Hoga:_
```DIL ME HO YAAD TERI GOSHE TANHAI HO```
```FIR TO KHALWAT ME AJAB ANJUMAN ARAHI HO```
```BAND JAB KHWABE AJAL SE HO HASSAN KI AANKHEN```
```USKI NAZRO ME TERA JALWA ZEBAHI HO````
*Jaise Log Apne Pyaro Ko Nazar Utha Kar Dehkte Hai Aur Ahle Mohabbat Nazar Jhuka Dete Hai To Unko Deedar Naseeb Ho Jata Hai,Usi Tarah Log Apne Pyaaro Ki Tarif Zuban Se Karte Hai Aur Ahle Ishq Khamoshi Me Hi Sab Kuch Keh Dete Hai*
*_صلى الله عليه وآله وبارك وسلمﷺ_*
_11)Goonjh Goonjh Uthe Hai Nagmate RAZA Se Bosta(n)_
_Q Na Ho Kis Phool Ki Midhat Me Wa Minkar Hai_
_[Goonjh:Har Taraf Charche,Awaazen;Nagmate:Surili Awaaz,Zamzame,Tarane(Nagme Ki Jama);Bostan:Baagh;Midhat:Tareef;Waa:Khilaona;Minkar:Parinde Ki Chonch]_
*_{SHARAH:Aye Raza Tune Aisa Mehboob Chuna Hai Ke Jiske Ishq Me Tune Nagma Sarayi Ki To Dilo(n) Ki Band Kaliya(n) Khil Uthi,Baagh E Aalam Me Bahar Agayi Aur Zameen o Aasman Me Teri Na'ato Ki Dhoom Machi Hui Hai Q Na Ho Ye Phool Hi Aisa Hai Jiski Tareef Me Bul-Bule Chamnistan E Risalat Ne Apni Chonch Kholi Hai Aur Rutub Ul Lisaan Hui Hai.(سبحان الله )}_*
```QASRE BATIL ME JO ZALZALE DALDE```
```AISE PHIR SHAER AHMED RAZA CHAHIYE```
*_صلى الله عليه وآله وبارك وسلمﷺ_*
MAXIMUM SHARE 🌹
_Talib-e-Dua:_
*_Ģulaam~e~Ŕazà_*
*SERVITOR OF TAJJUSHARIAH*
_Jazak'Allahu Khair_
No comments:
Post a Comment