💟[Islami Aqaid Ka Bayaan]💟
☑Aqeeda :-
🌼Jo Aalam Mein Kisi Shay Ko Qadeem Maane Ya Iske Hudoos Mein Shak Kare, Kaafir Hai
🌼Na Wo Kisi Ka Baap Hai, Na Beta, Na Uske Liye Bibi, Jo Use Baap Ya Beta Bataye Ya Uske Liye Bibi Saabit Kare, Kaafir Hai Balki Jo Mumkin Bhi Kahe Wo Bedeen -o- Gumraah Hai
🌼Wo Khud Zinda Hai Aur Sabki Zindagi Uske Haath Mein Hai, Jise Jab Chahe Zindagi De Aur Jab Chahe Maut De
🌼Wo Har Mumkin Par Qadir Hai, Koi Mumkin Uski Qudrat Se Baahar Nahin
🌼Wo Har Kamaal Ka Jaame Hai Aur Har Us Cheez Se Jisme Aib Wa Nuksaan Hai Paak Hai
🌼Hayaat, Qudrat, Sunna, Dekhna Aur Ilm Uske Sifaat -e- Zaatiya Hain Magar Kaan Aur Aankh Se Sunna Aur Dekhna Nahin Kyun Ki Ye Sab Ajsaam Hain Aur Wo Ajsaam Se Paak Hai
(Safa no.5-6)
☑Aqeeda :-
🌀Uska Kalaam Awaaz Se Paak Hai Aur Ye Quraan -e- Azeem Jiski Hum Apni Awaaz Mein Tilawat Karte Hain, Masahif Mein Likhte Hain Usi Ka Kalaam Qadeem Bila Soot Hai Aur Ye Humara Padhna Likhna Aur Ye Awaaz Haadis, Yaani Humara Padhna Haadis Hai Aur Jo Humne Padha Qadeem, Aur Humara Likhna Haadis Aur Jo Likha Qadeem, Humara Sunna Haadis Aur Jo Suna Qadeem, Humara Hifz Karna Haadis Aur Jo Hifz Kiya Qadeem
🌀Uska Ilm Har Shay Ko Muheet Yaani Juziyaat, Kulliyat, Maujoodat, Madoomat, Mumkinat, Muhalaat, Sab Ko Azal Mein Jaanta Tha Aur Ab Jaanta Hai Aur Abad Tak Jaanega
Ashya Badalti Hain Aur Uska Ilm Nahin Badalta
🌀Uske Ilm Ki Koi Intehaan Nahin
🌀Wo Gaib Ko Jaanta Hai Aur Ilme Zaati Uska Khasa Hai
🌀Jo Shakhs Ilme Gaib -e- Zaati Kisi Gair -e- Khuda Ke Liye Saabit Kare Wo Kaafir Hai
(Safa no.7-10)
Book: Bahar E Shariat
Musannif:Sarkar Sadrushariah Mufti Amjad Ali Qadri Razvi Alierrehma
Post Written by.
✍Abde Mustafa
Muhammad Sabir Ismayeeli Qadiri Razwi
No comments:
Post a Comment