Manqabat Dar Shane Huzoor Mufti e Azam e Hind
Az - HamShabeeh e Huzoor Mufti e Azam Huzoor Ameen e Shari'at Hazrat Allama Mawlana Mufti Sibtain Raza Khan Sahab
Mubarak Rukhsat Hoke MUSTAFA Se Mustafa Aaye
KHUDA Ka Shukr Hai Ka'be Se Mehmaan e KHUDA Aaye
Ada e Farz Karke Phir Gaye Ka'be Ke Ka'be Ko
Wahan Se Daulat e Kaunain Lekar Marhaba Aaye
KHUDA Ke Fazl Se Zarre Bhi Ab Payenge Taabani
Ziyaaen Leke Taiba Se Hamare Peshwa Aaye
Ye Kaisi Rahmaton Ki Badliyaan Chhayin Zamane Par
Ziyarat Karke Shayad MUSTAFA Ki Mustafa Aaye
Malun Qadmon Se Aankhon Chashme Imaan Ko Karun Raushan
Mubarak Sunniyo ! Ibne Shahe Ibne Raza Aaye
Mujhe Mushkil Hai Ay Aaqa Pohonchna Dashte Taiba Me
Jo Tum Chaho To Ay Maula Ye Sibtain E Raza Aaye
No comments:
Post a Comment